በክረምት የበጎ ፍቃድ አገልግሎት መርሃ-ግብር ታቅፎ በተካሄደው የደም ልገሳ መርሃ-ግብር ላይ የተሳተፉ የገንዘብና ኢኮኖሚ ትብብር ቢሮ አመራሮችና ሰራተኞች በጎ ፍቃደኞች ደም በመለገሳቸውና የሰዎችን ህይወት በመታደጋቸው ከፍተኛ ደስታ እንደተሰማቸው ገለጹ።
በልገሳው ላይ የተሳተፉት የቢሮ ሰራተኞች እንደተናገሩት ደም መስጠት ለሌላው ህይወት ከማዳኑ ባሻገር ለሰጪው አካልና ጤናም ዘመነኛ ጥቅም እንዳለው ገልጸዋል።
ለአራተኛ ጊዜ ደም የለገሱት በጎ ፍቃደኛ እንዳሉት፣ በክረምት ወቅት በልዩ ልዩ የበጎ አደራ ስራዎች ማለትም በጽዳት እና በደም ልገሳ ላይ በንቃት እየተሳተፉ ይገኛሉ።
“በተለይም በወሊድ ምክንያት በደም እጥረት ለሚሞቱ እናቶች፣ በአደጋና በግጭት ከፍተኛ የደም መፍሰስ ለገጠማቸው ወገኖቻችን ህይወት ለመታደግ በማሰብ ነው ደም የለገስነው” ሲሉ ገልጸዋል።
ሌላኛዋ ደም ለጋሽ በበኩላቸው፣ የደም ልገሳን ዘወትር እንደሚያከናውኑና በተለይም በወሊድ ወቅት የሚከሰተውን የደም እጥረት ችግር በቅርበት እንደሚያውቁት ተናግረዋል።
“ደሜ ለአንድ ህይወት ማደሪያ በመሆኑ ትልቅ ደስታ ይሰማኛል፤ ቢሮ በመጣሁ ቁጥር ሁልጊዜም ደሜን እለግሳለሁ” ብለዋል።
ለጋሾቹ አክለውም ደም መስጠት የአዲስ ደም ሴሎች እንዲተኩ እንደሚያደርግና የሰውነት ንቁነትን (ኤነርጂን) እንደሚጨምር በመግለጽ፣ ህብረተሰቡ ስለ ደም ልገሳ ያለው ፍርሃትና የተሳሳቱ አመለካከቶች ተወግደው ሁሉም በግንባር ቀደምትነት ደም በመለገስ የዜግነትና የሰብአዊነት ድርሻውን እንዲወጣ ጥሪ አቅርበዋል።
በተጨማሪም በጎ ፍቃደኞቹ በጽዳት፣ በደም ልገሳ እና ለአቅመ-ደካሞች አዲስ ቤት በመገንባትና በማደስ በኩል ሰፊ የበጎ አደራ ስራዎችን ቢሮ እያከናወኑ እንደሚገኙ አስታውቀዋል።






